કહેવતલાલ પરિવાર

કહેવતલાલ પરિવાર એ ૨૦૨૨ ની ભારતીય ગુજરાતી કોમેડી ડ્રામા ફિલ્મ છે, જે વિપુલ મહેતા દ્વારા લખાયેલી અને દિગ્દર્શિત છે અને રશ્મિન મજીઠિયા દ્વારા કોકોનટ મોશન પિક્ચર્સના બેનર હેઠળ નિર્મિત છે. તેમાં સિદ્ધાર્થ રાંદેરિયા, સુપ્રિયા પાઠક, વંદના પાઠક, સંજય ગોરડિયા, ભવ્ય ગાંધી અને શ્રદ્ધા ડાંગર મુખ્ય ભૂમિકામાં છે. આ ફિલ્મ ૬ મે ૨૦૨૨ ના રોજ રિલીઝ થઈ હતી અને વિવેચકો દ્વારા તેને સકારાત્મક પ્રતિસાદ મળ્યો હતો અને તે ગુજરાતી સિનેમાની સૌથી વધુ કમાણી કરનારી ફિલ્મોમાંની એક બની હતી.

કલાકારો અને ક્રૂ

• દિગ્દર્શન: વિપુલ મહેતા
• લેખન: વિપુલ મહેતા
• નિર્માણ: રશ્મિન મજીઠિયા
• તારાંકન:
  • સિદ્ધાર્થ રાંદેરિયા
  • સુપ્રિયા પાઠક
  • વંદના પાઠક
  • સંજય ગોરડિયા
  • ભવ્ય ગાંધી
  • શ્રદ્ધા ડાંગર
• સિનેમેટોગ્રાફી: રાહુલ નેગી
• સંપાદન: જિતેન્દ્ર કે શાહ
• સંગીત: સચિન-જીગર
• નિર્માણ કંપની: કોકોનટ મોશન પિક્ચર્સ
• વિતરણ: કોકોનટ મુવીઝ રિલીઝ
• રિલીઝ તારીખ: ૬ મે ૨૦૨૨
• રનિંગ ટાઈમ: ૧૩૫ મિનિટ
• દેશ: ભારત
• ભાષા: ગુજરાતી

કહેવતલાલ પરિવાર ફિલ્મનું ટ્રેલર

કથા

‘કહેવતલાલ પરિવાર’ એ રાજુભાઈ ઠાકર (સિદ્ધાર્થ રાંદેરિયા) અને તેમના પરિવારની મનોરંજક વાર્તા છે. રાજુભાઈ તેમના પારિવારિક મૂલ્યોને વળગી રહેલા છે અને તેમની જૂની ફેશન/પરંપરાગત વિચારોને અનુસરવામાં એકદમ અડગ છે. દરેક ક્ષણ અને પરિસ્થિતિ માટે તેમની પાસે કહેવતો છે. તેમનો પુત્ર (ભવ્ય ગાંધી) તેના આધુનિક અને સુસંગત વ્યવસાયિક વિચારો શેર કરે છે અને પુત્રી (શ્રદ્ધા ડાંગર) કેટલીક રસપ્રદ રસોઈ વાનગીઓ ધરાવે છે, પરંતુ રાજુભાઈ તેમને પ્રયોગ કરવાની ક્યારેય પરવાનગી આપતા નથી. તેમની બહેન (વંદના પાઠક) જે આળસુ છે, રાજુભાઈ સાથે રહે છે. તે પોતાનો સમય રમતો રમવામાં અને સોશિયલ મીડિયા પર વિતાવે છે. તેમના પિતરાઈ ભાઈ (સંજય ગોરડિયા) આધુનિક વિચારો અપનાવે છે અને તેથી રાજુભાઈને વ્યવસાયમાં હંમેશા પડકારે છે. જ્યારે રાજુભાઈની પત્ની કાલિંદી (સુપ્રિયા પાઠક) તેમના ઘરે પાછી ફરે છે ત્યારે તેમના જીવનમાં રસપ્રદ વળાંક આવે છે. હાસ્યથી ભરપૂર, કહેવતલાલ પરિવાર એક અસાધારણ પાગલ પરિવારની વાર્તા છે જે મુશ્કેલીઓ અને મતભેદો છતાં હંમેશા સાથે રહે છે.

કલાકારો

• સિદ્ધાર્થ રાંદેરિયા – રાજુભાઈ ઠાકર તરીકે
• સુપ્રિયા પાઠક – કાલિંદી ઠાકર તરીકે
• વંદના પાઠક – ભદ્રા તરીકે
• સંજય ગોરડિયા – શામુ ઠાકર તરીકે
• ભવ્ય ગાંધી – હિમેશ ઠાકર તરીકે
• શ્રદ્ધા ડાંગર – હેતા ઠાકર તરીકે
• નીલ ગગદાણી – સેમ ઠાકર તરીકે
• આકાશ ઝાલા – નટુ તરીકે
• મેઘના સોલંકી – ફાલ્ગુની તરીકે
• પ્રતિક ગાંધી, ઈશા કંસારા, વ્યોમા નંદી અને પાર્થ ઓઝાએ “હોળી આવી આવી” ગીતમાં કેમિયો કર્યો હતો.

નિર્માણ

આ ફિલ્મ વિપુલ મહેતા દ્વારા લખાયેલી અને દિગ્દર્શિત છે. તે કોકોનટ મોશન પિક્ચર્સના બેનર હેઠળ રશ્મિન મજીઠિયા દ્વારા નિર્મિત છે. તેમાં સિદ્ધાર્થ રાંદેરિયા, સુપ્રિયા પાઠક, વંદના પાઠક, સંજય ગોરડિયા, ભવ્ય ગાંધી અને શ્રદ્ધા ડાંગર મુખ્ય ભૂમિકામાં છે.

સંગીત/ગીતો

બધા ગીતો ભાર્ગવ પુરોહિત દ્વારા લખાયેલા છે; તમામ સંગીત સચિન-જીગર દ્વારા રચિત છે.

ગીતોની યાદી:

આ ગીતોને પ્રેક્ષકો દ્વારા સારો પ્રતિસાદ મળ્યો હતો.

રિલીઝ

આ ફિલ્મ શરૂઆતમાં જાન્યુઆરી ૨૦૨૨ માં રિલીઝ થવાની હતી. જોકે, તે ૬ મે ૨૦૨૨ ના રોજ રિલીઝ થઈ હતી.

પ્રતિસાદ

કહેવતલાલ પરિવાર બોક્સ ઓફિસ પર ₹૧૭.૨૫ કરોડ (US$૨.૦ મિલિયન) ની કમાણી કરી હતી. બોક્સ ઓફિસ મોજો અનુસાર, ફિલ્મે આંતરરાષ્ટ્રીય બજારોમાં $૫૨,૮૪૨ (₹૪,૫૦૦,૦૦૦) કમાણી કરી હતી. તેને પ્રેક્ષકો દ્વારા સારો પ્રતિસાદ મળ્યો હતો. તેણે સિનેમામાં સિલ્વર જ્યુબિલી (૫૦ અઠવાડિયા) પૂર્ણ કરી અને સૌથી વધુ કમાણી કરનારી ગુજરાતી ફિલ્મોમાંની એક બની.

કોમલ નાહટાએ ફિલ્મને તેના દિગ્દર્શન અને પ્રદર્શન માટે સકારાત્મક રીતે સમીક્ષા કરી હતી. સિનેસ્તાન માટે લખતા કેયુર સેતાએ ફિલ્મને ૪ માંથી ૩ રેટિંગ આપ્યું હતું. તેમણે પ્રદર્શન, દિગ્દર્શન, વાર્તા, સંગીત અને ક્લાઈમેક્સની પ્રશંસા કરી હતી પરંતુ જ્યારે મૃત સભ્ય ફરીથી દેખાય છે ત્યારે પરિવારની પ્રતિક્રિયાની ટીકા કરી હતી. સાંજ સમાચાર ના પારખ ભટ્ટે તેને ૫ માંથી ૩.૫ રેટિંગ આપ્યું હતું. તેમણે રાંદેરિયા અને ગાંધીના પ્રદર્શન, સંગીત, કોમેડી અને ગીતોમાં કોરિયોગ્રાફીની પ્રશંસા કરી હતી. ગુજરાતી ભાષા પોર્ટલે તેને ૫ માંથી ૪ રેટિંગ આપ્યું હતું પરંતુ ગોરડિયાના તોતડા પાત્રની ટીકા કરી હતી અને તેને હાસ્ય ઉપજાવવા માટે ક્લિશે ગણાવ્યું હતું. કલ્ચર મિક્સના કાર્લા હેયે પ્રદર્શન, વિઝ્યુઅલ અને દિગ્દર્શનની પ્રશંસા કરી હતી જ્યારે “મશી” ભાવનાત્મક ક્ષણો અને શામુ અને નટુના પાત્રોને “ચીસો પાડતા કાર્ટૂન” જેવા હોવાની ટીકા કરી હતી.